Andrey Fyodorov: Babayan kuchli mutaxassis

Bugun mazkur uchrashuv oldidan har ikki jamoa rasmiylari ishtirokida matbuot anjumani bo‘lib o‘tdi va unda "Lokomotiv" bosh murabbiyi Andrey Fyodorov ishtirok etdi.

"OChLning startidagi raqimiz oddiy jamoa emas. Biz o‘tgan yili bu jamoani yirik hisobda mag‘lub etgan edik. Ammo hozir barcha narsa o‘zgargan. O‘ylagan rejalalarimizni amalga oshirib g‘alaba qozonishga harakat qilamiz.

“Lokomotiv”ning oldiga qo‘ygan vazifalari o‘zgarmaydi. Eng birinchi vazifa esa ertangi uchrashuvda g‘alaba qozonish.  Barcha sog‘-salomat. To‘liq tarkibda mashg‘ulotlar olib bormoqdamiz.

Babayan bilan yo‘lakda uchrashdim va o‘yinga tayyorgarlik ko‘rayotganimiz uchun hali suxbatlashishga ulgurmadim. U tajribali mutaxassis. Nima bo‘lishini esa vaqt ko‘rsatadi", - dedi Fyodorov.