​Паулиньо "Барселона"дан кетиши мумкин

“Барселона” ярим ҳимоячиси ​Паулиньо ёзги трансферлар даврида жамоани тарк этиши мумкин.

Mundo Deportivo нашрининг хабар беришича каталонияликлар Бразилия терма жамоаси аъзосининг трансфери борасида 50 млн евролик таклиф олишган. Бироқ, айнан қайси жамоа бунча пул ваъда қилаётгани ҳозирча эълон қилинмаяпти.

Маълумот учун, Паулиньо “Барселона” сафига ўтган ёз Хитойнинг “Гуанжоу Эвергранд” клубидан келиб қўшилган эди. Ўтган мавсум эса у жами 34та ўйинда иштирок этиб, ўз ҳисобига 9та гол ҳамда 3та голли узатма ёздириб қўйишга эришган.