"Yuventus" va PSJ katta transferga hozirlik ko‘rishmoqda

"Yuventus" hujumchisi Paulo Dibala "Pari Sen-Jermen" klubiga o‘tishi mumkin. Italiya matbuotiga ko‘ra, parijliklar hujumchi o‘rniga Mauro Ikardini Turinga yuborishni rejalashtirmoqda.

"Keksa sinora" rahbariyati Dibala bilan shartnomani uzaytirish bo‘yicha bir to‘xtamga kela olmayapti, shuning uchun uni vatandoshiga almashtirishni ma’qul ko‘rmoqda. Transferning hujjat ishlari yozda ko‘rib chiqiladi.

Joriy mavsumda Dibala A seriyada 5 ta o‘yinda maydonga tushdi, Ikardi esa 5 ta bahsda 2 ta gol va 1 ta golli uzatma muallifi bo‘ldi.