"Yuventus" - "Napoli": Matnli translyatsiya

Assalomu alaykum, qadrli futbol ixlosmandlari! Italiya A Seriyasida hafta o‘rtasida tur uchrashuvlariga start berildi. E’tiborimiz markazida turning eng yorqin qarama-qarshiligi bo‘lishi kutilayotgan "Yuventus" - "Napoli" bahsi. O‘yinni saytimiz orqali matnli ko‘rinishda kuzatib borishingiz mumkin. Matnli translyatsiyani Javohir Azimov olib boradi

• 38'

  Куадрадонинг узатмасига бирозгина аниқлик етишмади, акс ҳолда бу гол билан якунланиши мумкин эди.

• 37'

  "Ювентус" тўпни назорат қилмоқда, ҳужумлар кўп ва узатмалар аниқ. Босим тобора ошмоқда.

• 33'

  Альваро Моратага нисбатан ўйин қоидаси бузилди. Жарима зарбаси ижро этилади.

• 30'

  Фабиан Руиз узоқдаги Ирвинг Лозанони топиб унга пас берди, бироқ ҳимоячилар тўпни эгаллаб олишди.

• 28'

  Ҳужумда фол. Данило "Наполи" футболчисини жарима майдончаси ичида йиқитиб юборди.

• 25'

  Мертенс тўпни туринликлар жарима майдончаси ичига оширди, бироқ Буффон тўпни ҳаммадан эрта эгаллаб олди.

• 22'
  

  Кулибалига сариқ карточка кўрсатилди. У қизишиб кетди.

• 18'

  Фабиан Руиз жарима майдончаси ичига тўпни ташлади, бироқ унга ҳеч ким эга чиқа олмади. Қарши ҳужум кўришимиз мумкин.

• 16'

  Бентанкур хавфли ўйнади. Агрессив ўйнашда давом этса карточка олиши мумкин.

• 13'
  

  ГООООООООООООООООООООООЛЛЛ!!! Роналду ҳисобни очмоқда! Кьезанинг ажойиб пасидан сўнг португалиялик юлдуз тўпни дарвозага жойлаб қўйди ва ҳисобни очди. 1:0!

• 11'

  Бурчакдан узатилган тўпни Адриен Рабьо дарвозага тўғирлаб юборди, бироқ унинг зарбаси ўнг устуннинг ёнгинасидан ўтиб кетди.

• 10'
  

  Куадрадо бурчакдан тўпни ўйинга киритиб беради.

• 8'

  Қанотдан Мората ўта кучли кросс амалга оширди, бироқ ноаниқ. Тўп неаполликларга қайтди.

• 5'

  Бурчак тўпи қисқа пас билан амалга оширилди.

• 5'
  

  Мората жамоасига бурчак тўпи ишлаб берди.

• 4'

  Пётр Зелински берган зарба дарвозанинг анчагина юқорисидан ўтиб кетди.

• 2'

  Данило жарима майдончаси ичидаги Роналдуга тўпни етказиб берди, бироқ у сўнгги зарбани йўллай олмади.

• 1'
  

  Учрашув бошланди!