“Юнайтед”га борсам, биринчи Роналдуни ҳайдайман!

“Манчестер Юнайтед”ни бошқаришга асосий номзод сифатида эътироф этилаётган Эрик тен Хаг манчестерликлар тўпурари Криштиану Роналдудан воз кечишга тайёрлигини билдирди.

Daily Mail нашрининг ёзишича, 37 ёшли португалиялик ҳужумчи нидерландиялик мутахассис “Манчестер Юнаййтед”да қўлламоқчи бўлаётган ўйин схемаларига умуман тўғри келмайди. Шунинг учун Эрик тен Хаг Англияга борадиган бўлса, ёзда Роналдунинг жамоадан кетишини истаяпти.

Криштиану Роналду бу мавсумда “Манчестер Юнайтед”нинг энг зўр тўпурари ҳисобланади. Тажрибали ҳужумчи ҳозирча 34 та учрашувда 18 та гол ва учта голли пас муаллифи бўлди. Унинг жамоа билан амалдаги шартномаси келаси йил ёзда якунланади.