Ямал катта гапириб қўйди

“Барселона” Европа Чемпионлар лигаси ярим финалида икки учрашув натижасига кўра, “Интер”дан 6:7 ҳисобида енгилиб, мусобақани тарк этди.

Каталонияликларнинг 17 ёшли етакчиси Ламин Ямал аламли мағлубиятдан кейин клуб мухлисларига катта ваъда бериб юборди.

- Биз учрашувда бор кучимизни бердик, бироқ бу мусобақага яна қайтамиз, бунга умуман шубҳа қилманг. Биз клубни ўзининг муносиб жойига – яъни, чўққига қайтармагунимизча тўхтамаймиз.

Мен мухлисларга берган сўзим устидан чиқаман ва Чемпионлар кубогини Барселонага олиб келаман. Бу мақсадимизга етмагунимизча, тўхтамаймиз, - деди Ламин Ямал.

Ламин Ямал жорий мавсумда барча турнирларда 51 та учрашув ўтказиб, рақиблар дарвозасини 15 маротаба ишғол қилди ва жамоадошларига 24 та голли пас берди.