Xolandning xet-trigi tarixiy bo‘ldi

 Angliya chempionatining 3-turida "Vest Xem" mehmoni bo‘lgan "Manchester Siti" 3:1 hisobida g‘alaba qozondi. O‘yinda Xoland xet-trik qilgan bo‘lsa, Diashning avtogoli evaziga hisob qisqardi.

"Opta Sports" nashri xabariga ko‘ra, norvegiyalik hujumchi XXI asrda APL tarixida uchta boshlang‘ich turda ikkita xet-trik qayd etgan birinchi futbolchi bo‘ldi. Xoland "Ipsvich" bilan uchrashuvda (4:1) uchta gol urgandi. Erling "shaharliklar"da 2022 yildan buyon o‘ynab kelmoqda.

Eslatib o‘tamiz,  24 yoshli futbolchi manchesterliklar safida 102 ta o‘yinda qatnashib, 97 ta gol va 14 ta golli uzatmani amalga oshirgan.