“Xet-trik”chilar qatori kengaydi

Chempionlar ligasi guruh bosqichining so‘nggi turida “Istanbul Bashakshehir” darvozasiga uchta gol urgan Neymar ham musobaqada xet-trik qayd etgan futbolchilar qatoriga qo‘shildi.

Bu braziliyalik hujumchi uchun Chempionlar ligasidagi uchinchi xet-trik bo‘ldi va u ushbu ko‘rsatkich bo‘yicha Robert Levandovski, Mario Gomes, Filippo Indzagi va Luis Adriano bilan tenglashib qoldi.

Oldinda faqat ikki hujumchi bor. Krishtianu Ronaldu va Lionel Messi shu kunga qadar Evropaning eng nufuzli musobaqasida sakkiztadan xet-trik qayd etgan.