Винисиус танқидларга жавоб берди

Бразилия Жанубий Кореяни 4:1 ҳисобида мағлуб қилган учрашувда футболчиар голларни рақсга тушиб нишонлаганди. Ҳаттоки бош мураббий Тите ҳам уларга қўшилди. Ушбу вазият кўп танқидларга сабаб бўлганди. Терма жамоа вингери Винисиус ушбу танқидларга жавоб берди:

“Албатта, баъзилар бошқаларни хурсандлигини кўриб, уларни танқид қилишни ёқтиришади. Биз бразилияликлар қувноқ халқмиз. Шунинг учун, бу уларни доим безовта қилади”, - деди Жуниор.

“Биз яхшироқ ўйнаш, ғалаба қозониш ва голларни шундай нишонлашда давом этамиз”, - дея қўшимча қилди Винисиус.

Бразилияни чорак финалда Хорватияга қарши учрашув кутмоқда.