Вальверде Хаби Алонсонинг бошқаруви ҳақида ўз фикрлари билан ўртоқлашди

Мадриднинг "Реал" клуби ярим ҳимоячиси Федерико Вальверде жамоанинг янги бош мураббийи Хаби Алонсо ҳақида ўз фикрларини билдирди.

"Алонсо жуда қизиқарли ва энергияга тўла инсон. Унинг жамоадаги иштироки футболчиларга катта ёрдам бераяпти. У бизга фақат майдонда эмас, шахсий жиҳатдан ҳам ёрдам беришга тайёр. Биз барчамиз бир йўналишда ҳаракат қиламиз — бу йил имкони борича кўпроқ титулларни қўлга киритишни хоҳлаймиз" — деди Вальверде "Madrid Xtra" нашрига берган интервьюсида.

Эслатиб ўтамиз, Хаби Алонсо Испания чемпионати якунидан сўнг Карло Анчелоттининг ўрнини эгаллаб, "қироллик клуби" бош мураббийига айланди.

18 июнь куни "қаймоқранглилар" Клублар ўртасидаги Жаҳон чемпионати доирасида илк ўйинини Саудиянинг "Ал-Ҳилол" жамоасига қарши ўтказади. Мазкур беллашув Тошкент вақти билан 00:00 да старт олиши режалаштирилган