Unga Tuxel qo‘l ostida o‘ynash yoqmayapti

"Chelsi" hujumchisi Hakim Ziesh mavsumlar oralig‘ida jamoasini o‘zgartirishi mumkin. Bu haqda Calciomercato nashri xabar tarqatmoqda.

Yuqoridagi manbaning yozishicha, 28 yoshli marokashlik futbolchini “aristokratlar” safidagi o‘yin amaliyoti qanoatlantirmayapti. Ayniqsa, Tomas Tuxel jamoaga kelgach, unga nisbatan kamroq e’tibor qaratilmoqda. Lempard davrida u jamoaning aksariyat o‘yinlarida maydonga tushar edi.

Ziesh Tuxel qo‘l ostida 6 ta o‘yinda to‘liq zaxirada o‘tirdi va 7 ta o‘yinda asosiy tarkibda maydonga tushdi. U joriy mavsum jami 28 ta o‘yinda maydonga tushdi va o‘z hisobiga 4 ta gol hamda 4 ta golli uzatma yozdirib qo‘yishga erishdi.

“Chelsi” Zieshni 2020 yilning yozida “Ayaks”dan sotib olgan edi. Hakim Marokash terma jamoasida 35 ta o‘yinda ishtirok etgan va 17 ta gol urishga erishgan.