"U Mbappedan kuchliroq"

"Barselona" prezidenti Joan Laporta hujumchi Usmon Dembele bilan shartnoma uzaytirish borasidagi urinishlari haqida fikr bildirdi. 

"Biz Dembele bilan juda yaxshi munosabatdamiz. U qolishni xohlayapti. Biz ham Usmonning qolishini istaymiz.

Agentlar bilan muzokaralar - oddiy holat. O‘yinchilar uchun shunisi qulay, aslida.  

Dembeleni har doim qo‘llab-quvvatlaganman. Futbolchi sifatida u Mbappedan kuchliroq", - dedi Joan Laporta. 

Eslatib o‘tamiz, so‘nggi paytlarda frantsiyalik vinger "ko‘k-anorranglilar" bilan shartnoma imzolashni xohlamayotgani va o‘ziga yangi klub qidirayotgani haqida xabarlar tarqalmoqda.