Tuxelning o‘rnini Mourino bosadi!

Angliyalik jurnalist Oliviya Buzaglo “Chelsi” klubi rahbariyatini bosh murabbiy Tomas Tuxelni iste’foga chiqargani uchun tanqid qildi va dunyoda germaniyalik mutaxassisning o‘rnini bosa oladigani yo‘qligini iddao qildi.

Jurnalistning fikriga “Chelsi”ning sobiq sardori Jon Terri qarshi chiqdi.

- Joze Mourino uning o‘rnini bosa oladi. Yuz foiz shunday. Men Joze kabi ishlaydigan murabbiyni hech qachon ko‘rmaganman.

Uning ishida har bir narsa e’tibor qaratish yuqori darajada edi. Jamoa va o‘yinchilar haqida ikir-chikirgacha bilardi.

“Barselona”ga qarshi uy uchrashuvimizdan bir kuni oldin Mourino raqib tarkibini aniq aytib bergandi, - dedi Jon Terri.