Тухель "Челси"га "Ювентус" футболчисини олиб келмоқчи

"Ювентус"нинг бразилиялик ҳимоячиси Алекс Сандро жамоасини ўзгартириши мумкин.

La Gazzetta dello Sport нашри тарқатган хабарга қараганда, бразилиялик футболчининг хизматларига "Челси" қизиқиб қолган. “Аристократлар” устози Томас Тухель жароҳати сабаб мавсум охиригача сафдан чиққан англиялик ҳимоячи Бен Чилуэлл ўрнига айнан Алекс Сандрони олиб келмоқчи.

Бундан аввалроқ Алекс Сандрога “Барселона”дан ҳам жиддий қизиқишлар мавжуд эканлиги ҳақида хабарлар тарқалган эди. У жорий мавсум “Ювентус” сафида 21 та ўйинда майдонга тушди ва 1 та гол ҳамда 1 та голли узатмани амалга оширди.