“Ан-Наср” Роналдуга чеклов киритди

“Ан-Наср” бош мураббийи Жорже Жезуш жамоа етакчиси Криштиану Роналду билан унинг ўйин вақти бўйича гаплашиб олишига тўғри келди.

Суҳбат давомида 40 ёшли футболчининг ўйин амалиёти бўйича муҳим келишувга эришилди. Унга кўра, томонлар учун асосий мақсад сифатида Роналдунинг 2026 йилги жаҳон чемпионатига оптимал спорт формасида етиб бориши белгиланди.

Шу боис, португалиялик ҳужумчи “Ан-Наср” миллий чемпионат ва халқаро миқёсдаги ўйинларининг камида 25 фоизида иштирок этадиган бўлди. Бу ҳақида Transfer News Live нашри хабар берди.

Келишувдан келиб чиқиб, энди Криштиану Роналду жамоа ўйинларига услуксиз жалб этилмаслиги ҳам мумкин.

Маълумки, Роналду 2023 йилдан бери Саудия Арабистонида фаолият юритиб келмоқда. Бугунги кунда Криштиану расмий учрашувларда урган голлари сонини 946 тага етказиб олди ва бу мутлақ рекорд ҳисобланади.

Криштиану Роналдунинг амалдаги шартномаси ҳали икки йил давоми этишини инобатга олсак, у ўзи кўзлаган марра – расмий ўйинларда 1000 та гол урган биринчи футболчига айланиши мумкин.