Terma jamoa o‘yinchisining yuragi to‘xtab qoldi

Misr terma jamoasi futbolchisi Ahmad Refaat bir o‘limdan qoldi. 

“Fyuchers” klubi o‘yinchisining o‘yin vaqtida yuragi to‘xtab qoldi. Bu voqea Misr chempionati doirasida “Al-Ittihod”ga qarshi uchrashuvda ro‘y berdi.

Bellashuvning 89-daqiqasida Ahmad Refaat hushini yo‘qotib, maydonga qulagan. 30 yoshli futbolchi darrov shifoxonaga olib ketildi.

Ma’lumotlarga qaraganda, uning yuragi bir soat davomida to‘xtab qolgan. Shifokorlarning xatti-harakatlari bilan yuragi yana ura boshladi.

Refaatning o‘zi reanimatsiyaga olindi.