Тен Хаг Роналдуга шарт қўйди!

“Манчестер Юнайтед”га янги тайинланган Эрик тен Хаг журналистларнинг Криштиану Роналду борасидаги саволига жавоб бериб, унга қандай муносабатда бўлишини очиқ айтди.

Нидерландиялик мутахассис Роналду жамоанинг асосий тўпурари бўлишига қарамай, унинг режаларида португалиялик ҳужумчига жой йўқ эканини маълум қилди. Бироқ, Криштиану Роналду бош мураббий томонидан олдига қўйилган талабларни оғишмай бажарадиган бўлса, тен Хаг унга имконият беришга тайёр.

Эрик тен Хаг “Манчестер Юнайтед”ни бошқариши мумкинлиги ҳақида хабарлар чиқа бошлаган пайтда қитъанинг гранд клубларида ишлаш тажрибасига эга бўлмаган бу мутахассис юлдуз даражасидаги футболчиларни бўйсиндириши қийин бўлиши айтилган.

Бироқ, Эрик тен Хаг билан яқиндан таниш бўлган айрим мутахассислар унинг ҳар қандай футболчини ўз йўриғига юргазишга қодирлигини таъкидламоқда.