Superliganing joriy mavsumida ishlagan eng yosh hakam kimligini bilasizmi?
Kecha yakuniga etgan Coca-Cola Superligasi 7-turi doirasida Farg‘onada o‘tkazilgan “Andijon” va “Metallurg” jamoalari o‘rtasidagi bahsni Husan Muzaffarov boshchiligidagi hakamlar jamoasi boshqardi. Shu tariqa, 1997-yilda tug‘ilgan referi chempionatimizning joriy mavsumida ishlagan eng yosh hakamiga aylandi.
Ma’lumot uchun, Superliganing ortda qolgan 49 uchrashuvini jami 16 ta hakam boshqardi va ularning 7 nafari 30 yoshga etmagan arbitrlar hisoblanadi. Ulardan 4 nafari esa allaqachon FIFA referisi maqomiga erishgan.
Fikrlar