Superligada yilning eng yaxshi murabbiyi aniqlandi

Superliganing joriy mavsumi o‘z nihoyasiga etdi. O‘zPFL “Yilning eng yaxshi murabbiyi” mukofoti uchun yakuniy nomzodlar ro‘yxatini e’lon qilgan edi.

Liga ushbu sovringa "Neftchi" jamoasi bilan chempionlikni qo‘lga kiritgan Vitaliy Levchenkoni munosib ko‘rdi va uni g‘olib deb topdi. Levchenkoning farg‘onaliklar bilan shartnomasi o‘z nihoyasiga etdi va murabbiy klub bilan xayrlashdi.

Ma’lumotlarga ko‘ra, uning o‘rniga O‘zbekiston U-17 terma jamoasining sobiq bosh murabbiyi Islom Ismoilov tayinlanishi mumkin.