Стоунз Англия терма жамоасининг ЖЧ–2026 йўлланмасини қўлга киритгани ҳақида гапирди

Англия терма жамоаси Латвияни 5:0 ҳисобида мағлуб этиб, Жаҳон чемпионати–2026 йўлланмасига эга чиқди. Ўйиндан сўнг жамоа ҳимоячиси Жон Стоунз натижа ва жамоа муҳитини юқори баҳолади.

"Биз ҳақиқатдан ҳам ниманидир алоҳида нарса қуряпмиз ва бу давом этиши керак. Тухель биздан жипслашишни, ишонч, курашчанлик ва олдинга интилишни талаб қилмоқда. Биздан юқори прессинг ва ҳужумкор ўйинни хоҳлаяпти. Бу клубда ўрганган услубимиздан кўп фарқ қилмайди.

Тухель ва унинг штаби жуда қисқа вақт ичида барча тизимни йўлга қўйди. Шу жамоанинг бир қисми бўлиш — бу ажойиб ҳис", — дея таъриф бериб ўтди "Манчестер Сити" ҳимоячиси.