Сирил Ган: “Том Аспиналлнинг камарини тортиб оламан"

35 ёшли француз жангчиси Сирил Ган оғир вазн тоифасида амалдаги UFC чемпиони Том Аспиналлга қарши жанг олдидан ўз кайфияти ҳақида гапирди.

"Бу баҳсда ғалаба қозонишга ишончим комил. Жангдан кейин нима бўлишини ҳозирча ўйламаяпман. Мен бу камарни олишни хоҳлайман ва бунга эришиш учун машғулотларда қўлимдан келганини қиляпман. Ҳамма қандай кучга эга эканимни билади. Зарбам ҳам жуда кучли. Аспиналлнинг камарини тортиб оламан. Мен оилам, дўстларим, жамоам ва мақсадимга эътибор қаратганман", — деди франциялик "The National" You Tube каналига берган интервьюсида.

Эслатиб ўтамиз, Ган (13-2) ва Аспиналл (15-3) қарама-қаршилиги 25 октябрь куни "UFC 321" турнирида ўтказилади.