Шерзод Темиров Гонконг чемпионатидан кетди!

Гонконг премьер-лигасида фаолият олиб кўрсатиб келган ягона легионеримиз Шерзод Темиров куни кеча эркин агентга айланди.

Гап шундаки, “Китчи” жамоасида тўп суриб келган ҳужумчимизнинг амалдаги шартнома якунига етгани сабабли томонлар ўзаро дўстона равишда хайрлашишган.

“Китчи” жамоасига 2023 йилнинг ноябрь ойида кўчиб ўтган футболчимиз ўтган вақт давомида 52 та ўйинда майдонга тушиб 23 та гол урди ва 8 та голли пасни амалга оширди.

Ҳозирда Темировнинг олдида янги вариантлар бор. Футболчининг агентлари бу борада иш олиб бормоқдалар.