Shaxmat. Nodirbek Abdusattorov 150 ming dollar yutib olishi mumkin!

Avval xabar berganimizdek, o‘zbekistonlik grossmeyster Nodirbek Abdusattorov “Fischer Random World Championship-2022” musobaqasida muvaffaqiyatli ishtirok etmoqda.

Iste’dodli shaxmatchimiz bugun yarim finalda AQSh vakili hisoblangan Xikaru Nakamuraga qarshi dona suradi. Ushbu bahs bugun Toshkent vaqti bilan soat 20:00da boshlanadi.

Ushbu qarama-qarshilikni chess24.com sayti orqali jonli efirda kuzatib borishingiz mumkin.

Eslatib o‘tamiz, ushbu musobaqaning ikkinchi yarim final bahsida norvegiyalik Magnus Karlsen rossiyalik Yan Nepomnyashiyga qarshi o‘ynaydi.

Ma’lumot uchun, “Fischer Random World Championship-2022” musobaqasining umumiy sovrin jamg‘armasi 400 ming AQSh dollarini tashkil qiladi. Unda kuchli 8 talikka kirgan shaxmatchilar quyidagicha mukofotlanadi:

1-o‘rin: 150.000$
2-o‘rin: 85.000$
3-o‘rin: 55.000$
4-o‘rin: 40.000$
5-o‘rin: 25.000$
6-o‘rin: 20.000$
7-o‘rin: 15.000$
8-o‘rin: 10.000$