Шавкат Рахмонов 10 ой жанг қилолмаслиги мумкин

Сўнгги кунларда UFC мухлисларини ташвишга солаётган хабарлар пайдо бўлмоқда.

Унга кўра, қозоғистонлик ММА устаси Шавкат Рахмонов гўёки аввал операция қилинган тиззасидан жароҳат олган ва қайта операция қилиниши мумкин, агар бу тасдиқланса, жангчи яна 10 ойгача октагондан четда қолиш хавфи борлиги айтилганди.

Бироқ, қозоғистонлик журналист Димаш Тулегенов жангчининг менежери билан боғланганини ва ушбу маълумот расман рад этилганини маълум қилди.

Шу боис, ҳозирча Рахмоновнинг соғлиғи ва октагонга қайтиш муддати ҳақида аниқ ва тасдиқланган расмий хабар йўқ.