Саудия Арабистонининг яна бир шаҳзодаси Европанинг номдор клубини сотиб олмоқчи

Тез орада "Марсель" клубининг хўжайини ўзгариши мумкин. Бу ҳақда La Provence нашри хабар тарқатмоқда.

Юқоридаги манбага кўра, ушбу жамоани Саудия Арабистони шаҳзодаси Ал-Валид бин Талал сотиб олмоқчи. Айтиш лозимки, бил Талал Саудиянинг амалдаги қироли Салман ибн Абдул-Азиз Ал Сауднинг жияни ҳисобланади.

“Марсель” муддатидан аввал якунланган Франция чемпионатида 2-ўринни эгаллади ва келаси мавсум Чемпионлар лигаси гуруҳ босқичида иштирок этиш ҳуқуқини қўлга киритди.