Rossiya premer-ligasida Covid-19 bilan bog‘liq ikkinchi holat qayd etildi

Qozonning "Rubin" klubi himoyachisi Konstantin Plievda koronavirus aniqlandi. Bu haqda klub rasmiy sayti xabar tarqatmoqda.

“Konstantin o‘zini yaxshi his qilyapti va hozir o‘zi tug‘ilib o‘sgan Vladikavkazda shifokorlar nazoratida bo‘lib turibdi. Unga tezroq sog‘ayib ketishini tilaymiz!”, - deb yoziladi klub bayonotida.

Aytish kerakki, bu Rossiya premer-ligasida Covid-19 bilan bog‘liq ikkinchi holat hisoblanadi. Bundan avvalroq "Lokomotiv" hujumchisi Jefferson Farfanda ushbu virus aniqlangan edi.