Роналду рухсатсиз кетиб, машғулотга ҳам келмади

“Манчестер Юнайтед” тўпурари Криштиану Роналду ўтган турда “Манчестер Сити”га қарши майдонга тушмагани боис Португалияга кетиб қолган эди. Маълум бўлишича, жароҳати туфайли қайдномага киритилмаган ўйинчи клуб раҳбариятининг рухсатисиз юртига кетган экан.

Клуб мутасаддилари ва футболчиларини Роналду муҳим баҳсда уларни қўллаб-қувватлаш ўрнига бошқа мамлакатга кетиб қолгани ҳайратга солган.

The Telegraph нашрининг хабарига кўра, жамоа бош мураббийи Ральф Рангник ўйинчининг сафарга чиқидан бехабар бўлган. Чунки Криштиану ўз ташаббуси билан клубни тарк этган.

Охирги маълумотларга қараганда, Ронаоду ҳали машғулотларга киришгани йўқ ва шу сабаб шанба куни “Тоттенхэм” билан бўладиган баҳсда ҳам иштирок этмаслиги мумкин.