Роналду олдида икки йўл!

“Манчестер Юнайтед” ҳужумчиси Криштиану Роналду келаси мавсум Чемпионлар лигасида қатнашадиган жамоага ўтишни истаётгани ҳақида хабарлар кўп тарқатилди.

Бир неча гранд клублар португалиялик юлдузни ўз сафига қўшиб олишни истамади. Хусусан, ПСЖ, “Реал”, “Челси” ва “Барселона” жаҳон футболида энг кўп гол урган тўпурарга ўз эшикларини очгани йўқ.

Сўнгги маълумотларга қараганда, Роналдуга харидор бўлаётган яна икки клуб бор. Улардан бири Германия Бундеслигаси чемпиони “Бавария”дир. Иккинчи жамоа эса, Мадриднинг “Атлетико”сидир. Бу ҳақда ESPN нашри хабар берди.

Шунга қарамай, манчестерликлар ўтган мавсумдаги энг зўр тўпурари жамоада олиб қолишни истаяпти ва ҳамон Роналдунинг келажагига ойдинлик киритилгани йўқ.