Роналду нинг Месси кучлироқ эканлиги ҳақидаги фикрига жавоб қайтарди

Уэйн Руни яқинда Лионель Месси футболчи сифатида Криштиану Роналдудан устун эканини айтганди. Роналду "Манчестер Юнайтед"даги собиқ жамоадошининг фикрига муносабат билдирди.

- Муаммо йўқ. Жиддий айтяпман, ҳаммаси жойида. Ҳар ким хоҳлаганини танлаши мумкин. Бизнинг ўзаро муносабатларимиз яхши. Балки биз дўст эмасдирмиз, лекин муносабатлар доим нормал бўлган.

Футболда менинг уйимга кечки овқатга келадиган дўстларим йўқ. Менда ҳеч кимга қарши ҳеч нарса йўқ. Бу Рунининг фикри. Мен учун бу муаммо эмас. Мен уни ҳурмат қиламан. Айниқса, "Манчестер Юнайтед"да ўйнаганимизда кўп нарсаларни бирга бошдан кечирганмиз. Агар Руни билан кўришсам, қўл бериб кўришаман. Кимгадир қарши туришга вақтим йўқ, - деди Роналду Пирс Морганга берган интервьюсида.