Ўзбек футболчиси жаҳон чемпионати “Олтин бутса”сига даъвогар!
Қатарда 17 ёшгача футболчилар иштирокидаги навбатдаги жаҳон чемпионати гуруҳ баҳаслари бўлиб ўтмоқда. Халқаро футбол ассоциациялари уюшмаси – ФИФА томонидан ташкил этилган мундиалда илк бор 48 та мамлакат терма жамоалари иштирок этмоқда.
ФИФА расмий сайтида 12 та гуруҳда ўтказилаётган мусобақанинг биринчи туридан сўнг тўпурар пойгасида иштирок этаётган футболчилар рўйхати эълон қилинди.
Унга кўра, дастлабки учрашувда хет-трикка эришган Чехия терма жамоаси вакили Вит Шкркон якка пешқадам бўлиб турибди.
“Олтин бутса” учун курашда кейинги поғонада илк учрашувда иккитадан гол урган жами тўққиз нафар футболчи – Феди Тайечи ва Вассим Слама (Тунис), Анисио Кабрал (Португалия), Делл (Бразилия), Абель Ньиронго (Замбия), Ри Кан Рим ва Ким Ю Жин (КХДР), Азизбек Абдумўминов (Ўзбекистон) ҳамда Петр Потмесил (Чехия) қайд этилган.
Эслатиб ўтамиз, Ўзбекистон U-17 терма жамоаси дастлабки турда Парагвай футболчиларини 2:1 ҳисобида мағлуб этиб, мундиални ғалаба билан бошлади. У баҳсда рақиб дарвозасини икки марта ишғол қилган Азизбек Абдумўминов ўйин қаҳрамони бўлди.
Таъкилаш жозики, ФИФА таснифида турли ёш тоифасида ўтказилаётган жаҳон чемпионатлари футбол жамоатчилиги учун ён номлар ва истеъдодларни кашф этиб берадиган спорт анжумани сифатида қадрланади.
Қуйида 17 ёшгача бўлган футболчилар ўртасидаги жаҳон чемпионатларида энг яхши тўпурар бўлган ўйинчилар номи келитирлган. Улар орасида кейинчалик ёрқин футбол юлдузига айланиб, жаҳондаги фанатлар меҳрини қозонган ўйинчилар ҳам бор.
Улар билан танишинг:
1985: Марсель Витечек – Германия
1987: Мусса Траоре – Кот-д'Ивуар
1989: Фоде Камара – Гвинея
1991: Адриано – Бразилия
1993: Уилсон Орума – Нигерия
1995: Даниэль Оллсопп – Австралия
1997: Давид Родригес-Фрайле – Испания
1999: Ишмаэль Аддо – Гана
2001: Флоран Синама Понголь – Франция
2003: Сеск Фабрегас – Испания
2005: Карлос Вела – Мексика
2007: Маколи Крисантус – Нигерия
2009: Борха Бастон – Испания
2011: Сулейман Кулибали – Кот-д'Ивуар
2013: Валмир Бериша – Швеция
2015: Виктор Осимхен – Нигерия
2017: Риан Брюстер – Англия
2019: Сонтье Хансен – Нидерланды
2023: Агустин Руберто – Аргентина
Ислом Исмоилов бошқарувидаги Ўзбекистон U-17 терма жамоаси гуруҳдаги навбатдаги учрашувини якшанба куни 8 ноябрь куни “J” квартетида пешқадамлик қилаётган Ирландия Республикаси вакилларига қарши ўтказади.
Фикрлар
Jon-jahdi bilan kurashsin