"Роналду мен учун илҳом манбаи"

"Ювентус" ва Италия терма жамоаси ярим ҳимоячиси Федерико Кьеза "Манчестер Юнайтед" ҳужумчиси Криштиану Роналду ҳақида фикр билдирди. 

"Унинг фидойилиги, ақлий кучи ҳамда вазиятларни ҳал қилиши мен учун илҳом манбаи бўлди. Криштиану бошқа саёрадан келган. Роналду билан машқ қилиш ва унинг ҳаракатларини кузатиш ҳаяжонли эди. 

Мен футбол тарихидаги энг яхши ўйинчилардан бирини жонли томоша қилиш бахтига муяссар бўлдим", - деди Кьеза.