Роналду “Манчестер Юнайтед” раҳбарияти жаҳлини чиқарди

“Манчестер Юнайтед” раҳбарияти жамоанинг мавсумолди машғулотларига келмаётган ҳужумчи Криштиану Роналдунинг хатти-ҳаракатларидан норози эканлигини маълум қилган. Бу ҳақда “The Athletic” нашри журналисти Лори Уитуэлл хабар бермоқда.

“Қизил иблислар” футболчининг май ойи бошига қадар жамоани тарк этиш истагини билдирмаганидан хафа бўлган. Клубнинг фикрича, португалиялик “Олд Траффорд”ни тарк этиши ҳақида олдинроқ маълум қилганида, улар янги ҳужумчи сотиб олишга ҳаракат қилиб кўрган бўлар эди.

Роналдунинг ўзи шу вақтгача "Манчестер Юнайтед"нинг трансфер бозоридаги харидларини кўриб чиқмоқчи бўлган. Аммо футболчи клубнинг трансфер сиёсатидан кўнгли тўлмаган ва кетишга қарор қилган.

Ҳозирча португалиялик футболчига фақатгина Лондоннинг “Челси” клуби қизиқмоқда. Бироқ, манкунианликлар Криштиануни АПЛ жамоаларига сотмоқчи эмаслигини маълум қилган.