Роналду жамоада яккаланиб қолди

Криштиану Роналдунинг жамоадошлари билан муносабати кўнгилдагидек эмаслиги ҳақида маълумотлар тарқатила бошланди.

Манбаларнинг таъкидлашича, жамоадан кетиш фикридан қайтмаган португалиялик юлдуз клубнинг “Кэррингтон”даги базасида бошқа футболчиларга ҳурматсизлик қилган.

“Брентфорд”дан учралган 0:4 ҳисобидаги мағлубиятдан кейин Роналду жамоадошларига қўшилмасдан алоҳида столда тушлик қилган.

Бундан ташқари, жаҳон футболида энг кўп гол урган ҳужумчи машғулотлар чоғида ҳам қолган футболчиларга тинимсиз эътироз билдираётгани айтилмоқда.

Айни пайтда клуб мутасаддилари жамоа ичидаги муҳитни яхшилаш борасида бош қотирмоқда.