Доннарумма “Бавария” юлдузини “синдирди”. У қанча вақт футбол ўйнолмайди?

ФИФА томонидан янги форматда ташкил этилган клублар ўртасидаги жаҳон чемпионатининг чорак финалида “Пари Сен-Жермен” футболчилари “Бавария” билан тўқнаш келди.

Бу баҳсда иккита ўйинчи кам бўлиб қолганига қарамай, парижликлар Бундеслига чемпиони дарвозасига жавобсиз иккита тўп киритди.

“Бавария” мағлубиятдан ташқари, жуда катта йўқотишга дуч келди. Биринчи бўлим охирида  Жанлуижи Доннарумма билан тўқнашган Жамол Мусиаланинг оёғи синиб кетди.

Bild нашри ёзишича, 22 ёшли ҳужумкор футболчининг оёғи синган ва мушак боғламлари шикасланган. Бу жароҳатни даволаш учун камида тўрт-беш ой вақт керак бўлади.