Роналду ҳаммага мурожаат қилди

Португалия терма жамоаси сардори Криштиану Роналду 2026 йилги жаҳон чемпионати Европа саралаш турнири доирасидаги муҳим учрашувлар олдидан ижтимоий тармоқдаги саҳифаси орқали мурожаат йўллади.

Роберт Мартинес шогирдлари 11 октябрь куни Ирландия ва 14 октябрь куни Венгрия терма жамоаларига қарши иккита саралаш ўйинида иштирок этади.

- Бор эътиборимизни олдимиздаги вазифамизга қаратайлик, - деб ёзди Криштиану Роналду.

Роналдунинг ўзи саралаш турнирининг аввалги икки учрашувида рақиблар дарвозасини уч маротаба ишғол қилди ва жамоасининг ғалабаларига катта ҳисса қўшди. Португалия олти очко билан F гуруҳида пешқадамлик қилмоқда.