Роналду билан зиддиятга бормаймиз!

“Манчестер Юнайтед” Криштиану Роналдунинг бошқа жамоага ўтишига тўсқинлик қилмайдиган бўлди, деб хабар тарқатди The Sun нашри.

Манбанинг таъкидлашича, клуб раҳбарияти португалиялик юлдузни хоҳишига қарши жамоада ушлаб турмоқчи эмас ва зиддиятга барҳам бериш учун унинг йўлини тўсмайди.

Янги бош мураббий Эрик тен Хаг клуб мутасаддилари билан суҳбатдан кейин жамоанинг кейинги мавсумларга таркиби ва стратегиясини Роналдусиз шакллантириш кераклигини тушуниб етди.

Маълумки, Криштиану Роналду жамоанинг мавсумолди йиғини доирасида бирорта машғулотга келгани йўқ. Машҳур ҳужумчи Чемпионлар лигасида иштирок этадиган клубга ўтишни мақсад қилган.

“Манчестер Юнайтед” сафига бир йил муқаддам қўшилган футболчининг амалдаги шартномаси келаси ёзгача давом этади.