Роналду “Бавария”га ўтмайди

"Бавария" собиқ футболчиси Лотар Маттеуснинг фикрича, "Манчестер Юнайтед" ҳужумчиси Криштиану Роналдунинг ўйин услуби Мюнхен клубига мос келмайди.

"Роналду - ажойиб ҳужумчи, аммо у "Бавария"га мос келадиган футболчи эмас. Мюнхен клубининг ўзига хос ўйин услуби бор. Шунингдек, айни пайт таркибда Криштиану ўйнай оладиган барча позициялар учун футболчилар етарлича. Криштианунинг режалари қандай эканини билмайман, лекин у аниқ "Бавария"га ўтмайди”, - дея Маттеуснинг сўзларини келтиради “Times Now” нашри.

Якунланган мавсум Роналду “Манчестер Юнайтед”нинг барча мусобақалар доирасидаги 39 та ўйинда майдонга тушиб, ўз ҳисобига 24 та гол ва 3 та голли узатмани ёздириб қўйган. Ҳужумчининг клуб билан шартномаси 2023 йилнинг 30 июнига қадар амал қилади.