Роналду “Ан-Наср” раҳбарияти билан учрашди. Суҳбат натижалари маълум

Криштиану Роналдунинг “Ан-Наср”га келиши жаҳон футболи юлдузлари учун Саудия Арабистонига йўл очди.

Яқинда 39 ёшли тўпурар “Ан-Наср” клуби раҳбарияти билан учрашди. Журналист Руди Галеттининг маълум қилишича, томонлар учрашувда ўзаро ҳамкорликни яна узайтириш бўйича музокара ўтказган.

Манбага кўра, музокараларда Саудия Арабистони Туризм вазирлигининг мутасаддилари ҳам иштирок этган.

Учрашувда томонлар ҳамкорлик борасида келишиб олганлари айтилмоқда.

Роналдунинг “Ан-Наср” билан амалдаги шартномаси ёзда якунланади. Бироқ португалиялик юлдуз 2026 йилги жаҳон чемпионатида қатнашишни мақсад қилган. Бунинг учун у мунтазам ўйин амалиётига эга бўлиши керак ва энг яхши вариант “Ан-Наср”даги фаолиятини давом эттириш ҳисобланади.