"Roma" ustozi Ukrainada ko‘z ostiga olib qo‘ygan futbolchisini Rimga olib kelmoqchi

"Dinamo" Kiev himoyachisi Tomash Kendzera faoliyatini Italiya A Seriyasida davom ettirishi mumkin.

Sportitalia nashri tarqatgan xabarga qaraganda, 26 yoshli polshalik futbolchiga "Roma"dan jiddiy takliflar bo‘lmoqda. Uni shaxsan “bo‘rilar” ustozi Paulu Fonseka o‘z jamoasida ko‘rmoqchi. Aytish kerakki, Fonseka “Shaxtyor”dagi faoliyati davomida Kendzerani kuzatib borgan.

Kendzera o‘tgan mavsum “Dinamo” safida 39 ta o‘yinda maydonga tushdi va jamoasining 5 ta goliga assistentlik qildi. Uning kievliklar bilan amaldagi shartnomasi esa 2021 yilga qadar imzolangan.