Рекорд учун битта қадам қолди: Вирц ва “Ливерпуль” ўртасидаги музокаралар якунланган

"Байер"нинг юлдуз ярим ҳимоячи Флориан Вирц "Ливерпуль" формасини кийишга жуда яқин қолди. 
 
"Bild" нашри ўз саҳифаларида хабар беришича, мерсесайдликлар директори Майкл Эдвардс раҳбариятдан Вирцни жамоага қўшиб олиш учун 150 миллион евро ажратишга рухсат олган. Шундай қилиб, "қизиллар" германияликларнинг 22 ёшли футболчига қўйган талабини қондирмоқчи. Флорианнинг ўзи "Ливерпуль" билан 5 йиллик шартнома шартларини келишиб бўлган. Таъкидлаш жоизки, Вирцнинг трансфери Англия Премьер-лигаси тарихидаги энг қиммат трансферга айланиши мумкин. Вирц ўтган мавсум 45 та учрашувда иштирок этиб, 16 та гол ва 15 та голли узатмага муаллифлик қилган. 
 
Эслатиб ўтамиз, 2024/2025 йилги мавсумда "Ливерпуль" Англия чемпиони унвонини қўлга киритган эди.