"Real"ning afsonaviy murabbiyi Messini tarixdagi eng zo‘r futbolchi deb aytdi

Ispaniya terma jamoasi va"Real" klubi sobiq bosh murabbiyi Visente Del Boske "Barselona" hujumchisi Lionel Messining kelajak taqdiri borasida o‘z fikrini bildirib o‘tdi.

“Messi barchaga klubi uchun nimalar qilganini ko‘rsatib qo‘ydi va futbol tarixidagi eng yaxshi futbolchi ekanligini isbotladi. "Barselona"da o‘ynashni davom ettirish uning uchun eng maqbul yo‘l, ammo u o‘zi xohlagan narsani qila oladi”, - dedi Del Boske.

Eslatib o‘tamiz, 33 yoshli argentinalik futbolchining “Barselona” bilan amaldagi shartnomasi yozda o‘z nihoyasiga etadi.