“Real”ga yangi yulduz kerak

“Qirollik klubi” rahbariyati Luka Modrich bilan shartnomani uzaytirganiga qaramay, uning o‘rniga yangi futbolchi olish fikridan qaytgani yo‘q.

Madridliklar yaqin kelajakda xorvatiyalik futbolchi o‘rniga Evropaning eng iqtidorli o‘yinchilaridan biri hisoblangan Ediuardo Kamavingani olib kelishni rejalashtirmoqda. Qolaversa, “Real” rahbariyati Zinedin Zidandan jamoani yoshartirishni cho‘zib yubormaslikni talab qilmoqda.

Florentino Peres Modrichning mahoratiga shubha qilmayapti. Biroq, ular texnikasi mukammal, chidamli, hujumning turli nuqtalarida o‘ynaydigan va ko‘p gol ura oladigan Kamavingani jamoa kelajagini ta’minlay olishiga ko‘proq ishonmoqda.