"Реал" ёзги трансферлар ойнасида қанча пул сарфлади?

Бу ёзда Мадриднинг "Реал" клуби янги келган футболчиларга катта маблағ сарфлади. "Қаймоқранглилар" Дин Хаусен ("Борнмут"), Алваро Каррерас ("Бенфика") ва Трент Александер-Арнольд ("Ливерпуль") билан кучайган бўлса, август ойида Хаби Алонсо жамоаси сафига Франко Мастантуоно ("Ривер Плейт") қўшилади. Умуман олганда, "Реал" 2019 йил ёзидан бери "қироллик клуби" учун энг қиммат трансфер ойнасида тахминан 168 миллион евро сарфлади.

"Қироллик" клуби Хаусен учун 63 миллион, Каррерас учун 50 миллион, Александр-Арнолд КЎЖЧда иштирок этиши учун "Ливерпуль"га 10 миллион ҳамда 17 ёшли Мастантуоно трансферига 45 миллион евро сарфлаган.

Ўтган мавсумда Мадрид гранди Ла Лига чемпионлигини "Барселона"га бой берган, шунингдек, Испания кубоги ва мамлакат Суперкубоги финалида каталонияликларга мағлуб бўлганди. Чемпионлар лигасида жамоа 1/4 финалга қадар етиб бориб, "Арсенал"га мағлуб бўлган бўлса, яқинда бўлиб ўтган Клублар ўртасидаги Жаҳон чемпионатида ярим финалида ПСЖга имкониятни бой бериб қўйди.