“Real” yangi darvozabon oladi

“Real” rahbariyati yozgi transferlar vaqtia “Napoli” darvozaboni David Ospinani o‘z safiga qo‘shib olishni rejalashtiryapti.

Ma’lumotlarga qaraganda, Ospina mavsum oxirida erkin agentga aylanadi va Madrid klubi uni bepul qo‘lga kiritadi.

Bu transfer amalga oshsa ham belgiyalik Tibo Kurtua “Qirollik klubi”ning birinchi raqamli posboni bo‘lib qolaveradi. David Ospina uning o‘rinbosari sifatida asosan zaxirada o‘tirishiga to‘g‘ri keladi.

“Real”ning hozirgi zaxira darvozaboni Andrey Lunin mavsum yakunlanishi bilan unga o‘yin amaliyoti beradigan klubga o‘tishni mo‘ljallamoqda.