“Реал” ва “Барселона” МЮга кераксиз бўлган футболчини қўлга киритмоқчи

Англиянинг “Манчестер Юнайтед” клуби ҳимоячиси Дейли Блинд фаолиятини Ла лигада давом эттириши мумкин. Голландиялик футболчи бу мавсум асосий таркибга кира олмаяпти ва қишда жамоасини ўзгартириши мумкин.

The Daily Express хабарига кўра, Блинднинг хизматларига “Реал” ва “Барселона” қизиқиш билдирмоқда. Ҳар иккала клубга Дейлининг исталган позицияда ўйнаши маъқул келгани таъкидланган.

Бу мавсум Блинд АПЛда 4 баҳсда майдонга тушди холос. Илгарироқ, “қизил иблислар” собиқ бош мураббийи Луи ван Гал Блинд Манчестердан кетиши лозимлигини ва ўзини Испанияда синаб кўриши мумкинлигини айтиб ўтган эди.