"Реал" "Ливерпуль" юлдузини нишонга олди

Мадриднинг "Реал" клуби "Ливерпуль" ярим ҳимоячиси Алексис Макаллистерни ўз сафига қўшиб олмоқчи.

Берилган маълумотларга қараганда, инглиз клуби аргентиналик футболчини каттароқ суммага сотишга тайёр. Ушбу трансфер ёзда амалга ошиш эҳътимоли бор. Бироқ "қаймоқранглилар" футболчини қишда сотиб олишга ҳаракат қилиши ҳам мумкин. Макаллистер "қизиллар" сафига 2023 йилнинг ёзида "Брайтон"дан келиб қўшилган эди. Футболчининг Мерсисайд клуби билан амалдаги шартномаси 2028 йилнинг ёзига қадар амал қилади.

Маълумот учун, 26 ёшли футболчи жорий мавсумда умумий умумий 10 та ўйинда майдонга тушиб, битта голли узатмани амалга оширган.