"Real" jiddiy muammoga duch keldi!

Ispaniyaning AS nashri "Real"ning La Liga doirasidagi "Espanol"ga qarshi o‘yin uchun taxminiy tarkibini tuzib chiqdi. Himoyadagi asosiy tarkib futbolchilarining barchasi mazkur bahsni o‘tkazib yuboradi. 

Nacho va Militao sariq kartochkalari ko‘payib ketganligi uchun diskvalifikatsiya qilingan. Alaba esa jarohatini tiklash bilan band. Valexo koronavirus yuqtirib olgan.

Mendi yakka tartibda shug‘illanmoqda. Markaziy himoyada Kazemiro harakat qilishi mumkin edi, biroq unga ham mushaklaridagi charchoq sababli dam berilishi mumkin.