Rasman! Sanchesning transferi "Inter"ga tekinga tushdi

So‘nggi mavsumni “Inter” safida ijarada o‘tkazgan “Manchester Yunayted” hujumchisi Aleksis Sanches “neradzurrilar” safida to‘p surishda davom etadigan bo‘ldi.

Klub matbuot xizmati tarqatgan xabarga ko‘ra, milanliklar 31 yoshli chililik futbolchi bilan 2023 yilga qadar shartnoma imzolagan. E’tiborlisi, “Inter” Sanches uchun MYuga umuman mablag‘ to‘lamadi. Aleksisning “Inter”dagi yillik maoshi 7 mln evroni tashkil etadi.

Ma’lumot uchun, Sanches o‘tgan mavsum A Seriyada 22 ta o‘yinda maydonga tushdi va 4 ta gol hamda 9 ta golli uzatmaga mualliflik qildi.