Rasman! Montella "Fiorentina" bosh murabbiyligidan iste’foga chiqarildi

“Fiorentina” klubi rahbariyati bosh murabbiy Vinchentso Montellani iste’foga chiqardi. Bu haqda klub rasmiy sayti xabar bermoqda.

Yuqoridagi manbaaga ko‘ra “binafsharanglilar” rahbariyati kecha A Seriyaning 17-turidan o‘rin olgan “Roma”ga (1:4) qarshi o‘yinda uchralgan yirik hisobdagi mag‘lubiyatdan so‘ng shunday qarorga kelishgan. Yaqin kunlar ichida klubning yangi bosh murabbiyi e’lon qilinadi.

Ma’lumot uchun, “Fiorentina” ayni damda A Seriya musobaqa jadvalida 17 ochko to‘plagan holda 14-o‘rinni egallab turibdi.