Rasman! Martinesga Pogbaning raqami berildi (foto)

Xabaringiz bor, "Manchester Yunayted" "Ayaks"dan himoyachi Lisandro Martinesni sotib olgandi. Bugun futbolchi "qizil iblislar" safida qaysi raqam ostida to‘p tepishi ma’lum bo‘ldi. 

Klub rasmiy saytining xabar berishicha, Martines 6-raqamli libosda harakatlanadi. Avval bu raqam "Yuventus"ga o‘tib ketgan Pol Pogbaga tegishli edi. 

Lisandro "Ayaks"da 21-raqamli formada o‘ynagan. Hozir Manchester klubida bu raqam Donni van De Bekka tegishli. 

Ma’lumot o‘rnida, argentinalik iqtidor egasining transferi "Manchester Yunayted" uchun 57 million evroga tushgan.